ٹانک میں انسداد پولیو ٹیم کا سکیورٹی اہلکار نامعلوم افراد کی فائرنگ سے شہید
ٹانک ( ڈیلی پاکستان آن لائن ) ٹانک میں انسداد پولیو ٹیم کی سکیورٹی پر نامعلوم افراد نےفائرنگ کر دی جس سے پولیس اہلکار شہیدہو گیا۔
نجی ٹی وی 92 نیوز کے مطابق ٹانک میں انسداد پولیو ٹیم کی سکیورٹی پر دو دنوں میں یہ دوسرا حملہ ہے ، واقعہ گاؤں شادہ میں پیش آیا جہاں نامعلوم حملہ آوروں نے فائرنگ سے کانسٹیبل نذیر کو شہید کیا۔
واضح رہے کہ گزشتہ روز بھی ٹانک میں پولیو ٹیم کی سکیورٹی پر مامور اہلکاروں پر فائرنگ کی گئی تھی جس کے باعث حوالدار جاں بحق جبکہ ایف سی اہلکار زخمی ہوا تھا۔
