جو دفتر لوگوں کو ریلیف نہ دے سکے اس کا بند ہونا بہتر " رکن بلوچستان اسمبلی نے گوادر میں سرکاری دفتر کو زبردستی تالا لگاکر بند کردیا
گوادر(آئی این پی)رکن بلوچستان اسمبلی مولانا ہدایت الرحمٰن نے سیٹلمنٹ آفس گوادر کو تالا لگا کر دفتر کے باہر دھرنا دے دیا۔
رکن بلوچستان اسمبلی مولانا ہدایت الرحمٰن کا کہنا تھا کہ جو دفتر لوگوں کو ریلیف نہ دے سکے اس کا بند ہونا بہتر ہے۔مولانا ہدایت الرحمٰن نے الزام عائد کیا کہ سیٹلمنٹ آفس لوگوں کی اراضی کو لینڈ مافیا کے نام کرنے میں ملوث ہے۔
انہوں نے مزید کہا کہ گوادر کے لوگوں کی اراضی کو بندربانٹ نہیں ہونے دیا جائے گا۔
