سرفراز احمد کو کسی ٹیم نے پک نہیں کیا ، پی ایس ایل 10 سے باہر ہو گئے
لاہور(ڈیلی پاکستان آن لائن)ایچ بی ایل پی ایس ایل 10 کی پلیئرز ڈرافٹنگ کی تقریب لاہور کے حضوری باغ میں ہوئی جہاں فرنچائزز کے مالکان اور ٹیم مینجمنٹ نے اپنی ٹیم تشکیل دی۔سرفراز احمد پی ایس ایل میں 2016 کے افتتاحی ایڈیشن کے بعد پہلی بار پلیئرز ڈرافٹ کا حصہ تھے تاہم کسی ٹیم نے انہیں منتخب نہیں کیا۔ تاہم کوئٹہ گلیڈی ایٹرز کے مالک ندیم عمر نے سابق کپتان سرفراز احمد کو نئی ذمہ داریاں دیتے ہوئے ٹیم کا کوچ مقرر کیا ہے جب کہ شعیب ملک کو سپلیمنٹری پلیئر منتخب کیا گیا ہے۔
لاہور میں میڈیا سے گفتگو میں ندیم عمر کا کہنا تھا کہ سرفراز احمدکوئٹہ گلیڈی ایٹرز کی جان ہیں، ہم ان کو چھوڑ نہیں سکتے، آپ انہیں ایک نئے رول میں دیکھیں گے۔ندیم عمر کا کہنا تھا کہ آپ اسی سیزن میں سرفراز احمد کو کو چ کے رول میں دیکھیں گے، وہ معین خان کی نگرانی میں سیکھیں گے بھی،میں اور معین خان بیک سیٹ پر ہوں گے اور سرفراز احمد سامنے ہوں گے۔خیال رہےکہ کوئٹہ گلیڈی ایٹرز کو پی ایس ایل کا چوتھا ایونٹ جتوانے والے سابق کپتان سرفراز احمد کو اُن کی ٹیم نے ریلیز کردیا تھا، پی ایس ایل نائن میں بھی سرفراز احمد کی جگہ جنوبی افریقا کے رائلی روسو کپتان تھے۔
