وفاقی اداروں کیخلاف بڑھتی شکایات عوام کےہم پر بڑھتے اعتماد کی علامت ہے: وفاقی محتسب

لاہور ( طیبہ بخاری سے )وفاقی محتسب  اعجاز احمد قریشی نے آج ریجنل آفس لاہور کا دورہ کیا اور ریجنل آفس لاہور، فیصل آباد، سرگودھا، ساہیوال اور گوجرانوالہ کے افسران  سے ملاقات کی۔ وفاقی محتسب نے افسران  کی کارکردگی کو سراہا ۔

میٹنگ میں وفاقی اداروں کے خلاف بڑھتی ہوئی شکایات پر کہا کہ یہ عوام کا ہم پر بڑھتےہوئے اعتماد کی علامت ہے۔ انہوں نے افسران کو ہدایا ت جاری کیں کہ وہ فیصلوں پر عمل درآمد کو ہر ممکن کوشش کر کے یقینی بنائیں  اور اپنے فیصلوں کو قانون کے دائرہ کار میں رہتے ہوئے ان کے معیار کو بہتر بنائیں تاکہ عمل درآمد میں آسانی ہو سکے اور عوام کے مسائل کا بروقت حل  کیا جاسکے۔

 بعد ازاں وفاقی محتسب اعجاز احمد قریشی نے صوبائی محتسب پنجاب عائشہ حامد  سے ملاقات کی اور عوام کے مسائل کے حل کرنے کے لیے ہر قسم کے تعاون کی یقین دہانی کرائی۔