نوجوان نسل کیلئے کھیلوں کافروغ ناگزیر ہے، ایوب زکوڑی

پشاور (ڈیلی پاکستان آن لائن) زکوڑی گروپ کے فاسٹ فوڈ چین”مسٹر کاڈ“ نے پشاور شہر میں کھیلوں کے فروغ کیلئے مقامی فٹ بال لیگ کی جیتنے والی ٹیم کو 100,000 روپے انعام پیش کرتے ہوئے سپانسر کیا۔زکوڑی گروپ کی جانب سے کہا گیا ہے کہ اس اقدام کا مقصد نوجوان نسل کو کھیلوں میں حصہ لینے کی ترغیب دینا ہے کیونکہ یہ صحت مند اور خوشحال معاشرے کی تعمیر کیلئے انتہائی ضروری ہے۔

لیگ کی اختتامی تقریب میں میڈیا سے خطاب کرتے ہوئے سی ای او زکوڑی گروپ ایوب خان زکوڑی نے کہا کہ کھیلوں کے ذریعے نوجوانوں کو بااختیار بنانا ان کی اولین ترجیح ہے اور اس سلسلے میں ان کی ٹیم نے ہمیشہ کھیلوں کے کلچر کو فروغ دینے اور نوجوان نسل کو ایسی صحت مند سرگرمیوں میں حصہ لینے کی ترغیب دینے کی کوشش کی ہے۔

انہوں نے مزید کہا کہ کھیل ایک خوشحال پاکستان کیلئے انتہائی اہم ہیں،اس لئے زکوڑی گروپ ہمیشہ قومی ترقی میں کردار ادا کرنے کیلئے اس شعبے کے ساتھ تعاون کرتا چلا آ رہا ہے۔