چھٹیوں کو ایک ہفتہ گزر گیا، سرکاری سکولوں میں آن لائن کلاسز کا اجراء نہ ہوسکا 

                                                                                                                        لاہور (لیڈی رپورٹر)سموگ کی وجہ سے چھٹیوں کے دوران بچوں کی آن لائن کلاسز کا فیصلہ کیا گیا تھا مگر ایک ہفتہ گزرنے کے بعد سرکا ری سکو لو ں میں آن لائن کلاسز کا اجراء نہ ہو سکا۔سکولوں میں آن لائن کلاسز کے لیے انفراسٹرکچر  ہی مو جو د نہیں، محکمہ سکول ایجوکیشن نے اعلان کیا مگر سہولیات نہ دی گئیں، سکولوں میں انٹرنیٹ کی سہولت زیادہ تر پرنسپل رومز تک محدود ہے۔اساتذہ کی جانب سے کہا گیا ہے کہ 2010 کے بعد کمپیوٹر لیبز کو اپ گریڈ نہیں کیا گیا، کمپیوٹر لیبز اس قابل نہیں کے آن لائن کلاسز کا انعقاد کیا جائے، طلبہ کو واٹس ایپ کے ذریعے سے سبق شیئرکر رہے ہیں۔واضح رہے کہ چھٹیوں کے باعث زیادہ تعلیمی حرج نویں اور دسویں جماعت کے طلبہ کا ہو رہا ہے، شہر میں انٹرنیٹ سگنلز ویک ہونے کی وجہ سے پرائیویٹ سکولوں کو بھی مشکلات کا سامنا ہے۔