تربت میں فائرنگ سے 6 مزدور جاں بحق، 2زخمی

تربت (ویب ڈیسک) تربت کے علاقے سیٹلائیٹ ٹاؤن کے مکان میں فائرنگ سے 6 مزدور جاں بحق اور 2 زخمی ہو گئے,پولیس کے مطابق نامعلوم مسلح افراد نے فائرنگ  کی ،جاں بحق افراد کی لاشیں اور زخمیوں کو ہسپتال منتقل کر دیا گیا ہے۔

"جیو نیوز "کے مطابق تربت میں فائرنگ سے جاں بحق اور  زخمی مزدوروں تعمیراتی کام کے سلسلے میں موجود تھے۔پولیس جائے حادثہ پر پہنچ گئی ہے اور اس نے واقعے کی تفتیش شروع کرتے ہوئے ملزمان کی تلاش شروع کر دی ہے۔

پولیس کا کہنا ہے کہ تربت فائرنگ واقعے میں جاں بحق افراد کی شناخت رضوان، شہباز، وسیم، شفیق احمد، محمد نعیم اور سکندر کے نام سے ہوئی  ہےجبکہ فائرنگ سے زخمی افراد میں غلام مصطفیٰ اور توحید شامل ہیں۔