ہر قسم کی صورتحال کا مقابلہ کرنے کے لیے مکمل تیار ہیں، ایران کا اعلان

بغداد (ڈیلی پاکستان آن  لائن) ایرانی وزیر خارجہ عباس عراقچی کا کہنا ہے کہ ایران ہر قسم کی صورتحال سے نمٹنے کیلئے تیار ہے۔

عراق میں نیوز کانفرنس کرتےہوئےایرانی وزیرخارجہ عباس عراقچی کا کہنا تھا کہ اسرائیل کے علاوہ کوئی بھی ملک خطے میں جنگ نہیں چاہتا، مشرق وسطیٰ کو سنگین چیلنجز کا سامنا ہے۔ایرانی وزیر خارجہ کا کہنا تھا کہ امریکا اسرائیل کو ہتھیار فراہم کرنے خطے کی سلامتی خطرے میں ڈال رہا ہے۔عباس عراقچی کا کہنا تھا کہ غزہ اور لبنان کے خلاف جاری جارحیت بند ہونی چاہیے، ہم امن اور جنگ بندی کے حصول کے لیے کوشاں ہیں، تنازعات کے بڑھنے سے خطے میں وسیع جنگ شروع ہوسکتی ہے۔ان کا مزید کہنا تھا کہ خطے کو وسیع جنگ سے بچانے کیلئے ایران نے بے پناہ کوششیں کیں۔