حیدرآباد : گھر میں آتشزدگی، معروف سندھی شاعرآکاش انصاری جاں بحق

حیدرآباد(ڈیلی پاکستان آن لائن )حیدرآباد کی سٹیزن کالونی میں گھرمیں آتشزدگی کے نتیجے میں معروف سندھی شاعر آکاش انصاری جاں بحق ہوگئے۔
نجی ٹی وی جیو نیوز نے ریسکیو حکام کے حوالے سے بتایا کہ سٹیزن کالونی میں گھر میں آگ لگی جس کے نتیجے میں ایک شخص جاں بحق ہوگیا.
پولیس نے بتایاکہ آگ سے جھلس کرجاں بحق شخص کی شناخت معروف سندھی شاعرآکاش انصاری کے نام سے ہوئی۔ 
پولیس نے بتایاکہ شاعرآکاش انصاری کی لاش کاپوسٹ مارٹم کیا جائے گا، غیر فطری موت کا میڈیکل ایگزامن اور پوسٹ مارٹم ضروری ہے اور پوسٹ مارٹم کے لئے میت واپس لیاقت یونیورسٹی ہسپتال لائی جارہی ہے۔
پولیس حکام کے مطابق ڈاکٹرآکاش کے اہل خانہ ان کی میت تدفین کیلئے بدین لے گئے تھے۔
ڈاکٹرآکاش انصاری کے منہ بولے بیٹے لطیف آکاش کا کہنا تھاکہ صبح ساڑھے 8 بجے کے درمیان آگ لگنے کا واقعہ پیش آیا، کمرے کا دروازہ کھولا تو ڈاکٹرآکاش بیڈ سے نیچے گرے ہوئے تھے، اندر جانے کی کوشش کی تو میرے پاو¿ں جل گئے۔
دوسری جانب وزیراعلیٰ سندھ نے شاعرآکاش انصاری کی خدمات کوخراج عقیدت پیش کیا۔ انہوں نے گھرمیں آگ لگنے کے واقعے کی تحقیقات کی ہدایت کردی۔