جنوبی کوریا کے معطل صدر کو گرفتار کر لیا گیا
سیئول (ڈیلی پاکستان آن لائن)جنوبی کوریا کے معطل صدر یون سک یول کو گرفتار کرلیا گیا۔
جنوبی کوریا کے معطل صدر یون سک یول کو کافی دنوں سے گرفتار کرنے کی کوشش جاری تھی جو صدارتی محافظوں کی وجہ سے گرفتاری نہیں ہو پا رہی تھی آخر کار تفتیش اہلکار گرفتار کرنے میں کامیاب ہوگئے۔
خبرایجنسی کے مطابق سرچ اور گرفتاری کے وارنٹ دکھانے کے باوجود صدارتی گارڈ تفتیش کاروں کو گرفتاری سے روک لیتے تھے۔
یاد رہے کہ کرپشن انویسٹی گیشن حکام کا کہنا تھا وارنٹ کے با وجود گرفتارسے روکنے والوں کو حراست میں لیا جائے گا، تفتیش کاروں اور صدارتی محافظوں کے درمیان ہاتھا پائی بھی ہوئی تھی۔
