اِک اجنبی سے آنکھ لڑا کر بُرے پھنسے۔۔۔
اِک اجنبی سے آنکھ لڑا کر بُرے پھنسے
لے آئے وہ تو غنڈے اُٹھا کر بُرے پھنسے
ہوتے مقرّبین میں کرتے جو واہ واہ
شائستگی سے غلطی بتا کر بُرے پھنسے
دشمن بنا کے خطرے میں آتی ہے زندگی
ہم دوستی کا ہاتھ بڑھا کر بُرے پھنسے
مہنگا طعام اُن کی فقط اِک ہنسی کے دام
جانو رُسی ہوئی کو منا کر بُرے پھنسے
سرکار کے کلام کی تعریف کیا کری
دیوان وہ لے آئے اُٹھا کر بُرے پھنسے
کچھ وقت زندگی نے دِکھایا حسِین رُوپ
پھر رکھ دیا کلیجہ چبا کر بُرے پھنسے
اونچائی پر پہنچتے ہی طلؔحہ گرا دیا
کم ظرف کو پہاڑ چڑھا کر برے پھنسے
کلام : محمد طلؔحہ (لندن )
