پنجاب میں پہلی ماڈرن اینڈ اینویویٹو سبزی و فروٹ مارکیٹ بنے گی، وزیر اعلیٰ جلدسنگ بنیاد رکھیں گی
لاہور( ڈیلی پاکستان آن لائن )”پنجاب ترقی کی راہ پر“ صوبہ پنجاب میں ملک کی پہلی ماڈرن اینڈ اینوویٹو سبزی و فروٹ مارکیٹ کا پراجیکٹ کا آغاز کیا جارہا ہے۔ وزیراعلی مریم نواز جلد لاہور میں ماڈرن اینڈ اینوو یٹو سبزی منڈی کاسنگ بنیاد رکھیں گی۔ وزیر اعلیٰ نے ماڈرن اینڈ اینوویٹو ویجی ٹیبل و فروٹ مارکیٹ کو ایشیاء کی بہترین منڈی بنانے کی ہدایت کی اور شاندار ماڈرن اینڈ اینوویٹو سبزی و فروٹ مارکیٹ پراجیکٹ کو 18ماہ میں مکمل کرنے کا حکم دیا ہے۔
راوی اربن ڈویلپمنٹ اتھارٹی اور پنجاب ایگریکلچر مارکیٹنگ ریگولیٹری اتھارٹی کے باہمی ایم او یو پر دستخط کے بعد منڈی کے قیام کے لیے کارروائی شروع کر دی گئی ہے۔ پاکستان کی پہلی ماڈرن اینڈ اینوویٹو سبزی و فروٹ مارکیٹ300 ایکٹر پر بنے گی۔ ماڈرن اینڈ اینوویٹو سبزی و فروٹ مارکیٹ میں انفراسٹرکچر عالمی معیار کا ہوگا۔ ماڈرن اینڈ اینوویٹو ویجیٹبل و فروٹ مارکیٹ کو ایکسپورٹ زوم بنایا جائے گا۔ کالا خطائی کی ماڈرن اینڈ اینوویٹو ویجیٹبل و فروٹ مارکیٹ کو ایکسپورٹ حب بنایا جائے گا۔ ماڈرن اینڈ اینوویٹو ویجیٹبل و فروٹ مارکیٹ کو مختلف راستوں سے آمدورفت کے لیے ہر طرف سے رسائی حاصل ہوگی۔
ماڈرن اینڈ اینوویٹو سبزی و فروٹ مارکیٹ میں جی ٹی روڈ گجرانوالہ اور لاہور سیالکوٹ موٹروے سے ٹرک، گاڑیاں براہ راست آ جا سکیں گی۔ مزدوروں اورٹھیلے والوں کی آسانی کے لیے میٹرو بس اورسپیڈو بس روٹ کالا خطائی سبزی منڈی تک چلائی جائے گی۔ مارکیٹ میں شارٹ ہونے والی سبزیاں خصوصاً ٹماٹر اورپیاز کے لیے کولڈ سٹوریج بھی بنائے جائیں گے۔ ماڈرن اینڈ اینوویٹو سبزی و فروٹ مارکیٹ میں عوام کوسبزیاں اورپھل ہر وقت سستے داموں دستیاب ہوں گے۔
وزیر اعلیٰ مریم نواز نے کہا ہے کہ عوام کو مہنگائی سے نجا ت دلانے کا عزم غیر متزلزل ہے۔
