سینیٹ کا اجلاس صبح 4 بجے تک جا سکتا ہے، صدر اے این پی ایمل ولی خان

اسلام آباد (ڈیلی پاکستان آن لائن) عوامی نیشنل پارٹی کےصدر ایمل ولی خان کا کہناہے کہ سینٹ کااجلاس صبح تین چار بجے تک جا سکتا ہے۔

میڈیا سے گفتگو کرتے ہوئےایمل ولی خان نے کہا کہ آئینی ترمیم سے متعلق اجلاس مزید تاخیر کا شکار ہوسکتاہے، سپریم کورٹ کو سیاست سے دور رہنا چاہئے۔ دوسری جانب سینیٹ میں بی این پی مینگل کے دو ووٹ اہمیت اختیار کرگئے ہیں، وزیراعظم شہباز شریف نے سردار اختر مینگل سے آئینی ترمیم کے حوالے سے ٹیلی فونک رابطہ کیا ہے،سردار اختر مینگل نے آئینی ترامیم کا مسودہ مانگ لیا ہے۔اختر مینگل نے سینیٹ کے دو ووٹوں کے بدلے دو ہزار لاپتا افراد کی فوری بازیابی کا مطالبہ کردیا ہے۔وزیراعظم نے سردار اختر مینگل کے مطالبات پر بات چیت کی یقین دہانی کرائی ہے۔