مولانا فضل الرحمان لانگ مارچ ملتوی کرکے پریس کانفرنس ادھوری چھوڑ کر جانے لگے تو مریم نواز نے ان سے کیا کہا؟
اسلام آباد(ڈیلی پاکستان آن لائن) پاکستان ڈیمو کریٹک موومنٹ (پی ڈی ایم) کا لانگ مارچ استعفوں پر اتفاق رائے نہ ہونے کی وجہ سے ملتوی ہوگیا ہے۔ پی ڈی ایم کے سربراہ لانگ مارچ ملتوی کرنے کا اعلان کرکے پریس کانفرنس ادھوری چھوڑ کرچلے گئے۔
پی ڈی ایم کے اجلاس کے بعد میڈیا کو بریفنگ دیتے ہوئے مولانا فضل الرحمان نے کہا ’26 مارچ کا لانگ مارچ ملتوی تصور کیا جائے۔‘ یہ اعلان کرنے کے بعد انہوں نے ڈائس چھوڑ دیا، اس دوران جمعیت علما پاکستان کے رہنما شاہ اویس نورانی نے مولانا فضل الرحمان کو پریس کانفرنس چھوڑ کر وہاں سے چلنے کا اشارہ کیا۔
جب مولانا فضل الرحمان پریس کانفرنس سے جانے لگے تو مریم نواز کے پیچھے کھڑے رانا ثنا اللہ ہنستے ہوئے نظر آئے جبکہ مریم نواز پی ڈی ایم سربراہ کو ’مولانا صاحب سوال لے لیں‘ کی صدالگاتی رہیں۔
پاکستان ڈیموکریٹک موومنٹ کے سینئر رہنماؤں کی پریس کانفرنس https://t.co/BJ45zz5nA0
— PML(N) (@pmln_org) March 16, 2021
