وہاڑی سے لاہور جانے والی فیملی کی کار کو حادثہ، میاں بیوی سمیت 3 افراد جاں بحق
وہاڑی (ویب ڈیسک) وہاڑی کے علاقہ لڈن میں افسوس ناک حادثہ میں تیز رفتار کار بے قابو ہو کر دکانوں سے ٹکرا گئی،حادثہ میں میاں بیوی سمیت 3افراد جاں بحق اور ایک خاتون زخمی ہوگئی۔
تفصیلات کے مطابق سبزی منڈی کے قریب ڈرائیور کو نیند آنے کے باعث تیز رفتار کار بے قابو ہو کر دکانوں سے ٹکرا گئی۔ المناک حادثہ میں حاصل پور کے رہائشی محمد ایوب ان کی بیوی ناہید اور قریبی عزیز کار ڈرائیور محمد عمر موقع پر دم توڑ گئے۔
واقعہ میں ان کی 25 سالہ بیٹی علیزہ شدید زخمی ہوگئی۔ تینوں لاشوں کو ٹی ایچ کیو ہسپتال حاصل پور جبکہ زخمی خاتون کو ڈی ایچ کیو ہسپتال وہاڑی منتقل کردیا گیا۔
حادثہ کا شکار ہونیوالی فیملی لاہور سے حاصل پور واپس گھر جا رہی تھی۔
