مصطفیٰ عامر کا مقدمہ ختم: اے این ایف نے رپورٹ عدالت میں جمع کرادی

کراچی (ڈیلی پاکستان آن لائن ) اینٹی نارکوٹکس فورس (اے این ایف) کی جانب سے عدالت میں رپورٹ جمع کرانے کے بعد مصطفیٰ عامر کا مقدمہ ختم کردیا گیا۔
نجی ٹی وی دنیا نیوز کے مطابق منشیات کیس میں ایس ایچ او اے این ایف نے مقتول مصطفیٰ عامر کا ڈیتھ سرٹیفکیٹ اور دیگر دستاویزات پیش کیں جس میں مصطفیٰ عامر کا نام عامر عرف تیمور ولد عامر شجاع درج تھا۔
ایس ایچ او اے این ایف کورنگی نے بیان دیا کہ ملزم عامرعرف تیمور کا انتقال ہو چکا ہے، عدالت نے ایس ایچ او کے بیان کے بعد مصطفیٰ عامر کے خلاف مقدمہ ختم کر دیا۔
مقدمے میں عمار حمید اور فیصل یعقوب اشتہاری ملزم ہیں، عدالت نے دونوں کے ایک مرتبہ پھر ناقابل ضمانت وارنٹ گرفتاری جاری کردیئے۔
واضح رہے کہ مصطفیٰ عامر کے 22 فروری کو وارنٹ گرفتاری جاری ہوئے تھے، مصطفیٰ عامر اور دیگر ملزمان کیخلاف 2024 میں مقدمہ درج کیا گیا تھا۔