شمالی وزیرستان کے علاقے میران شاہ میں شہید ہونے والےسپاہی وارث خان سپرد خاک

کرک (ڈیلی پاکستان آن لائن) شمالی وزیرستان کے علاقے میران شاہ میں شہید ہونے والےسپاہی وارث خان کو سپرد خاک کردیا گیا۔

پاک فوج کے شعبہ تعلقات عامہ (آئی ایس پی آر) کے مطابق  سپاہی وارث خان شہید کو ان کے آبائی علاقےکرک میں مکمل فوجی اعزاز 
کے ساتھ سپرد خاک  کیا گیا،وارث خان  16 اکتوبر 2023   کو شمالی وزیرستان کے علاقے میران شاہ میں دہشتگردوں کے ساتھ شدید فائرنگ کے تبادلے میں شہید ہوئے تھے۔

آئی ایس پی آر کے مطابق   شہیدکی نماز جنازہ میں فوجی افسران، جوان ،رشتہ داروں اور اہل علاقہ کی بڑی تعداد نے شرکت کی ،انہوں نے سوگواران میں بیوہ، 2 بیٹے اور والدین چھوڑے  ہیں۔

آئی ایس پی آر  کا کہنا ہے کہ دہشتگردوں کی بزدلانہ کارروائیوں سے پاک فوج کے جوانوں کے عزم اور حوصلے متزلزل نہیں ہو سکتے، دہشتگردی کیخلاف جنگ آخری دہشتگرد کے خاتمے تک جاری رہے گی۔

روزنامہ پاکستان کا واٹس ایپ چینل جوائن کرنے کیلئے یہاں کلک کریں۔