شادی میں زہریلا کھانا کھانے سے 100سے زائد بچوں کی حالت غیر ہوگئی
ڈی آئی خان(ڈیلی پاکستان آن لائن) ڈیرہ اسماعیل خان میں شادی کی تقریب میں زہریلے کھانے کے سبب سو سے زائد بچوں کی حالت خراب ہوگئی جنہیں ہسپتال پہنچادیا گیا۔ایکسپریس نیوز کے مطابق واقعہ ڈیرہ اسماعیل خان پارا چنار کے علاقے شلوازان دروی میں پیش آیا جہاں شادی کی تقریب میں کھانا ہوا جس کے بعد بچوں کی طبعیت خراب ہوگئی۔ہسپتال انتظامیہ کے مطابق بچوں کو طبی امداد فراہم کی جارہی ہے اور ہسپتال میں ایمرجنسی نافذ ہے۔اطلاعات ہیں کہ پولیس واقعے کی تحقیقات کررہی ہے، کھانے کے نمونے حاصل کرلیے گئے ہیں جن کی لیبارٹری سے جانچ پڑتال کرائی جائے گی۔
