بلائنڈ ٹی 20ورلڈ کپ 2024کی میزبانی پاکستان کو مل گئی
اسلام آباد (اے پی پی):ورلڈ بلائنڈ کرکٹ لمیٹڈ نے پاکستان کوچوتھے ایڈیشن ٹی 20 ورلڈ کپ کرکٹ آف بلائنڈ کی میزبانی دے دی۔ورلڈ بلائنڈ کرکٹ لمیٹڈ کی 24ویں سالانہ جنرل اجلاس گزشتہ روز بنگلور انڈیا میں ہوا۔ سیاسی بنیادوں پر ویزوں کا اجرا نہ ہونے کی وجہ سے ورلڈ بلائنڈ کرکٹ لمیٹڈ کے صدر سید سلطان شاہ نے ویڈیو لنک کے ذریعے اجلاس کی صدارت کی۔ اجلاس میں جو چند اہم فیصلے کیے گئے وہ درج ذیل ہیں۔ پاکستان کو 18 نومبر سے 3 دسمبر 2024 کے درمیان پاکستان میں منعقد ہونے والے T-20 ورلڈ کپ کرکٹ آف دی بلائنڈ کے چوتھے ایڈیشن کی میزبانی سے نوازا گیا ہے ایونٹ کا فائنل 3 دسمبر کو ہو گا کیونکہ 3 دسمبر کو معذور افراد کے عالمی دن کے طور پر منایا جاتا ہے۔
ورلڈ بلائنڈ کرکٹ لمیٹڈ نے متفقہ طور پر بھارت میں 5 سے 17 دسمبر 2022 کو ہونے والے بلائنڈ کرکٹ ٹی 20 میں، سیاسی بنیادوں پر پاکستان بلائنڈ کرکٹ ٹیم کے ویزوں سے انکار کرنے میں بھارتی حکومت کی بے حسی پر افسوس کرتے ہوئے ایک قرارداد منظور کی ہے۔ پاکستان اس وقت ٹی 20 بلائنڈ کرکٹ ٹیم عالمی رینکنگ میں سرفہرست ہے اور بھارتی حکومت کی بے حسی نے پاکستان کو شرکت اور یہ ٹائٹل جیتنے کے مساوی حقوق استعمال کرنے سے محروم کر دیا ہے۔ سیاسی بنیادوں پر ویزا نہ ملنے سے ورلڈ بلائنڈ کرکٹ لمیٹڈ اور بالخصوص گلوبل بلائنڈ کرکٹ کو ناقابل تلافی نقصان پہنچا ہے کیونکہ 7 مرتبہ ورلڈ کپ فائنلسٹ ٹیم (پاکستان) موضوع ورلڈ ٹائٹل جیتنے کی دعویدار تھی۔ ڈبلیو بی سی ریاستوں پر زور دیتا ہے کہ کھیلوں کو علاقائی سیاست سے بالاتر رکھا جائے اور خاص طور پر اسپیشل پرسنز کے میگا اسپورٹس ایونٹس کے ساتھ منصفانہ سلوک کیا جائے اور تمام ٹیموں کو ایونٹ میں حصہ لینے کے یکساں مواقع فراہم کیے جائیں۔ زیادہ تر ممالک نے معذور افراد کے لیے اقوام متحدہ کے چارٹر (یو این سی آر پی ڈی) کی توثیق کی ہے جو ریاستوں کو معذور افراد کو کھیلوں کے مساوی مواقع فراہم کرنے پر آمادہ کرتا ہے اس لیے اس چارٹر کو مکمل طور پر لاگو کیا جانا چاہیے۔ ورلڈ بلائنڈ کرکٹ لمیٹڈ کی ایگزیکٹو کمیٹی کے انتخابات بھی ایگزیکٹو جنرل اجلاس کے دوران منعقد ہوئے۔ اجلاس میں 10میں سے 9 رکن ممالک کے نمائندوں نے شرکت کی۔سید سلطان شاہ اگلے 2سال کی مدت کے لیے بلامقابلہ ڈبلیو بی سی ایل کے صدر منتخب ہو گئے ہیں۔ سید سلطان شاہ پاکستان بلائنڈ کرکٹ کونسل کے چیئرمین ہیں اور اس سے قبل 2012سے2014، 2014سے2016 اور 2020 سے22 تک تین مرتبہ ورلڈ بلائنڈ کرکٹ کے صدر رہ چکے ہیں۔ اس پریمیئر کردار میں یہ ان کی چوتھی مدت ہے۔ ورلڈ بلائنڈ کرکٹ لمیٹڈ کی 9 منتخب ایگزیکٹو کمیٹی مندرجہ ذیل پر مشتمل ہے. پاکستان کیسید سلطان شاہ ورلڈ بلائنڈ کرکٹ لمیٹڈ کیصدر ہوں گے دیگر ممبران میں ویسٹ انڈیز کے بھوانی پرسادپہلے نائب صدر,3رجنیش ہنری (بھارت) دوسرے نائب صدر4 ریمنڈ موکسلی (آسٹریلیا) سیکرٹری جنرل5 مہر یوسف ہارون (پاکستان) ڈائریکٹر ٹیکنیکل6پون گھمیرے (نیپال) ڈائریکٹر فنانس اور بھارت کے ڈیوڈ جان ڈائریکٹر گلوبل ڈویلپمنٹ شامل ہیں۔ورلڈ بلائنڈ کرکٹ لمیٹڈ نے 18 سے 27 اگست 2023 تک برمنگھم یونائیٹڈ کنگڈم میں انٹرنیشنل بلائنڈ اسپورٹس ایسوسی ایشن کے زیر اہتمام منعقد کیے جانے والے ورلڈ بلائنڈ گیمز میں اپنی شرکت کا یقین دلایا۔ عالمی بلائنڈ گیمز میں پہلی بار بلائنڈ کرکٹ کو شامل کیا گیا ہے۔
