الیکشن دھاندلی کے بیانات کا معاملہ، سابق کمشنر راولپنڈی کے پی اے کے گھر پولیس کا چھاپہ، ایک شخص کی گرفتاری کی اطلاعات

گجرات (ویب ڈیسک) سابق کمشنر راولپنڈی کے الیکشن سے متعلق متنازع بیان کے معاملے پر پولیس نے وزیرآباد میں لیاقت علی چٹھہ کے پی اے اشفاق تارڑ کے گھر چھاپا ماراہے ۔

آج نیوز کے مطابق سی آئی اے پولیس گوجرانوالہ نے علی پور چٹھہ میں چھاپا مارا، اشفاق تارڑ کے برادر نسبتی کو پولیس نے حراست میں لے لیا، اشفاق تارڑ کی اہلیہ نے بتایا کہ پولیس تالے توڑ کر گھر میں داخل ہوئی، گھر کی مکمل تلاشی لی گئی۔خاندانی ذرائع کے مطابق چھاپے کے دوران پولیس نے گھر کے تمام موبائل فون قبضہ میں لیے، اشفاق تارڑ محکمہ معدنیات میں ملازم ہے۔

اہلیہ اشفاق تارڑ نے کہا کہ پولیس نے چادر اور چار دیواری کا تقدس پامال کیا ہے۔