لیونل میسی دنیا کے امیر ترین کھلاڑیوں میں شامل لیکن وہ کتنی دولت کے مالک ہیں ؟ تہلکہ خیز دعویٰ
بیونس آئرس (ویب ڈیسک) ورلڈکپ جیتنے کا خواب پورا کرنے والے لیونل میسی دنیا کے امیر ترین کھلاڑیوں میں سے ایک ہیں، "فوربز" کے مطابق اپنے کیرئیر کے دوران لیونل میسی1 ارب 15 کروڑ ڈالرز کما چکے ہیں۔
"جیو نیوز "نے امریکی جریدے فوربز کے حوالے سے بتایا کہ گزشتہ سال لیونل میسی نے آن فیلڈ (فٹبال مقابلوں وغیرہ) سے ساڑھے 7 کروڑ ڈالرز کمائے۔پیرس سینٹ جرمن میں کھیلنے کے لیے انہوں نے سالانہ ساڑھے 3 کروڑ ڈالر زفیس کا معاہدہ کیا ہے یعنی ہر ماہ وہ 7 لاکھ 38 ہزار ڈالرز، روزانہ 1 لاکھ 5 ہزار ڈالرز جبکہ ہر گھنٹے 8790 ڈالرز کماتے ہیں۔
ارجنٹینا اسٹار کو گزشتہ سال موسم گرما میں پیرس سینٹ جرمن کا حصہ بننے پر اڑھائی کروڑ ڈالرز کی جوائننگ فیس بھی دی گئی تھی۔
مگر لیونل میسی صرف فٹبال کے میدان میں ہی نہیں کماتے بلکہ گزشتہ سال وہ اشتہارات اور دیگر ذرائع سے بھی ساڑھے 5 کروڑ ڈالرز کمانے میں کامیاب رہے۔سیلیبرٹی نیٹ ورتھ کے مطابق لیونل میسی اس وقت 60 کروڑ ڈالرز کے مالک ہیں۔
View this post on Instagram
اس وقت کھیلوں کی دنیا میں متحرک محض 3 ایتھلیٹ لی بورن جیمز، کرسٹیانو رونالڈو اور ٹائیگر ووڈز کے اثاثے ان سے زیادہ ہیں۔
لیونل میسی کو پرتعیش گاڑیوں سے محبت ہے اور ان کے ذخیرے میں متعدد کلاسک گاڑیاں موجود ہیں۔
View this post on Instagram
ایک افواہ کے مطابق لیونل میسی نے ہی تاریخ کی سب سے مہنگی 1957 کی فراری 335 اسپورٹ اسپائیڈر 2016 میں 3 کروڑ 70 لاکھ ڈالرز میں خریدی۔ویسے ایک انسٹاگرام پوسٹ میں بھی انہوں نے اس ماڈل کی ٹوائے گاڑی دکھاتے ہوئے کیپشن میں لکھا 'میری نئی گاڑی'۔لیونل میسی کی سب سے مہنگی جائیداد بارسلونا میں ہے جس کی مالیت 70 لاکھ ڈالرز ہے۔
View this post on Instagram
یہ گھر ایسے علاقے میں واقع ہے جہاں پرواز کی اجازت نہیں جبکہ اس میں پول، انڈور جم، تھیٹر اور دیگر سہولیات بھی موجود ہیں۔اس کے علاوہ ارجنٹینا اور امریکا میں بھی وہ جائیدادوں کے مالک ہیں۔2017 میں لیونل میسی نے ہوٹل چین MiM Hotels کو خریدا تھا جس کے اسپین کے مختلف علاقوں میں ریزورٹ موجود ہیں۔
View this post on Instagram
لیونل میسی نے دنیا کے سفر کے لیے اپنا طیارہ بھی خریدا ہوا ہے۔
Messi's new private jet - a kitchen, two bathrooms & 16 seats that can be folded to make eight beds. On the exterior, branded with his signature number 10 on the tail, names of the Argentina icon, his wife, and their three children, written on steps pic.twitter.com/shokwuWIov
— Xinhua Sports (@XHSports) December 11, 2018
2004 گلف اسٹریم وی پرائیویٹ جیٹ میں 16 مسافر سفر کرسکتے ہیں۔اس طیارے کے پچھلے حصے میں نمبر 10 لکھا ہوا ہے جو ان کی فٹبال جرسی کا بھی نمبر ہے جبکہ لیونل میسی اور ان کی اہلیہ سمیت بچوں کے نام بھی درج ہیں۔دنیا بھر میں بچوں کی مدد کے لیے لیونل میسی فاؤنڈیشن کا قیام 2007 میں یونیسیف کے اشتراک سے عمل میں آیا تھا۔
View this post on Instagram
2017 میں لیونل میسی نے اپنی دولت سے فاؤنڈیشن کو عطیہ دیا تھا تاکہ شام میں 1600 یتیم بچوں کے لیے کلاس رومز کی تعمیر کی جاسکے۔2019 میں ان کی فاؤنڈیشن میں کینیا کے شہریوں کو خوراک اور پانی کی فراہمی کے لیے 2 لاکھ 18 ہزار ڈالرز کا عطیہ دیا۔
فاؤنڈیشن کی ویب سائٹ پر لیونل میسی کا ایک بیان موجود ہے جس میں ان کا کہنا ہے کہ 'کسی بچے کے چہرے پر مسکراہٹ لانا مجھے پرجوش کردیتا ہے، اسی وجہ سے میں نے لیو میسی فاؤنڈیشن کے قیام کا فیصلہ کیا اور میں بچوں کو خوش رکھنے کے لیے اپنی جدوجہد جاری رکھوں گا'۔
