کراچی سے کینجھر جھیل جانے والی بس کھائی میں گر گئی، 6 افراد جاں بحق
ٹھٹھہ(ڈیلی پاکستان آن لائن) کراچی سے کینجھر جھیل جانے والی بس ٹھٹھہ کے قریب کھائی میں گر گئی۔
نجی ٹی وی چینل دنیا نیوز کے مطابق ریسکیو حکام کا کہنا ہے کہ قومی شاہراہ درسگاہ محمد علی کے مقام پر بس تیز رفتاری کے باعث الٹنے سے 6 افراد جاں بحق جبکہ 20 زخمی ہوگئے، جنہیں طبی امداد کیلئے ہسپتال منتقل کر دیا گیا۔
حکام کا کہنا ہے کہ متاثرہ افراد کینجھر جھیل پکنک منانے جا رہے تھے، تعلق کراچی کے علاقے اورنگی ٹاؤن سے ہے۔
ادھر خیرپور کے قریب قومی شاہراہ پر مسافر کوچ الٹنے سے 3 افراد جاں بحق اور 25 سے زائد زخمی ہوگئے، کوچ کراچی سے مانسہرہ جا رہی تھی، حادثہ بارش میں تیز رفتاری کے باعث پیش آیا۔
