پنجاب میں ڈویلپمنٹ، واٹر اینڈ سینی ٹیشن اورہارٹیکلچر کیلئے صوبائی اتھارٹیز قائم کرنے کا فیصلہ

لاہور(ڈیلی پاکستان آن لائن)پنجاب میں ڈویلپمنٹ، واٹر اینڈ سینی ٹیشن اورہارٹیکلچر کیلئے صوبائی اتھارٹیز قائم کرنے کا فیصلہ کیا گیا ہے۔

نجی ٹی وی چینل ایکسپریس نیوز کے مطابق وزیراعلیٰ پنجاب مریم نواز نے 3صوبائی اتھارٹیز بنانے کی منظوری دیدی،پنجاب میں ڈویلپمنٹ، واٹر اینڈ سینی ٹیشن اورہارٹیکلچر کیلئے صوبائی اتھارٹیز قائم کی جائیگی،صوبائی اتھارٹیز کے قیام کیلئے باقاعدہ قانون سازی ہوگی،صوبائی اتھارٹیز مرکزی سطح پر پالیسی اور پلان تشکیل دیں گی،لوکل لیول پر ڈویلپمنٹ، واٹر اینڈ سینی ٹیشن اورہارٹیکلچر ایجنسی عملدرآمد یقینی بنائیں گی،صوبائی اتھارٹیز کیلئے گورننگ بورڈ اور ڈائریکٹر جنرل بنانے کی تجاویزدی گئی ہے،اس کے علاوہ وزیراعلیٰ مریم نواز نے سٹریٹ لائٹس  کو  سولر انرجی پر منتقل کرنے کی ہدایت کردی۔