افغانستان،شمالی صوبہ بغلان میں ٹریفک حادثات،11افراد ہلاک، 46زخمی

      پلِ خمری (شِنہوا) افغانستان کے شمالی صوبہ بغلان میں یگے بعد دیگرے2 ٹریفک حادثات میں کم از کم 11 افراد ہلاک اور 46 دیگر زخمی ہوگئے صوبائی پولیس ترجمان مولوی شیر احمد بر ہانی نے صحافیوں کو بتایا کہ پہلا حادثہ ضلع دوشی کے علاقے قلعہ گئی میں ہوا جہاں 2 مسافر بسیں آپس میں ٹکرانے سے 3 مسافر ہلاک اور 7 دیگر زخمی ہوگئے مقامی ٹریفک عہد یدار نظام الدین نے شِنہوا کو بتایا کہ اس واقعہ کے کچھ دیربعد بعد ضلع دوشی کے اسی علاقے میں ایک اور بس الٹ کر کھائی میں گرگئی جس میں 8 مسافر ہلاک اور 39 زخمی ہوئے لاپرواہی سے ڈرائیونگ اور جنگ سے تباہ شدہ سڑکیں اکثر  افغانستان میں مہلک سڑک حادثات کا باعث بنتی ہیں 
حادثات