مڈغاسکر حکومت کے اعلیٰ سطحی وفد کا ملت ٹریکٹرز فیکٹری کا دورہ

لاہور(سٹی رپورٹر)مڈغاسکر کی حکومت کے ایک اعلیٰ سطحی وفد نے PADAP مڈغاسکر، (ورلڈ بینک پروجیکٹ) کی نمائندگی کرنے والی اولیوا رافالیمانانا اور میسی فرگوسن، مڈغاسکر کی نمائندگی کرنے والے سولوفو ربیزانہری کی قیادت میں ملت ٹریکٹرز لمیٹڈ کی فیکٹری کا دورہ کیا۔ مڈغاسکر کو ملت ٹریکٹرز میسی فرگوسن ماڈل، MF-360 (4wd) 27 یونٹس کی برآمدات کا افتتاح کیا۔ یہ ٹریکٹر خصوصی تجارتی اقدام یعنی "دی مڈغاسکر پروجیکٹ" کے تحت برآمد کیے جا رہے ہیں، جس کی مالی اعانت عالمی بینک نے فراہم کی ہے، MTL کے پرنسپل AGCO-USA کے ذریعے، جو دنیا کے مشہور برانڈ Massey Ferguson کے مالک اور پروڈیوسر ہیں۔اس پروجیکٹ کا مقصد مڈغاسکر میں زرعی ترقی اور فارم میکانائزیشن کو بڑھانا ہے جس کے ذریعے دنیا کے سب سے سستے اور اعلیٰ معیار کے ٹریکٹر یعنی ملت ٹریکٹرز لمیٹڈ کے پاکستان میں تیار کردہ MF ماڈل استعمال کیے جائیں گے۔وفد کے ارکان نے تکنیکی سہولیات، پیداواری نظام کا بغور دورہ کیا اور کمپنی کی جانب سے معیار کو سختی سے برقرار رکھنے کی تعریف کی۔افریقی خطے میں ان بہترین معیار کی مصنوعات کی فراہمی کے لیے۔ MTL اپنے پرنسپل AGCO اور حکومت مڈغاسکر کا ان کے اعتماد، تعاون اور عزت افزائی کے لیے بے حد مشکور ہے۔