اہم شخصیت کا " بھیس بدل کر" جنرل ہسپتال لاہور  کا دورہ، مریضوں سے کیا کچھ پوچھا ۔۔؟ ویڈیو دیکھیں

لاہور ( طیبہ بخاری سے ) معاون خصوصی وزیر اعلیٰ پنجاب راشد اقبال نصر اللہ  نے  بھی " بھیس بدل کر" جنرل ہسپتال لاہور  کا دورہ کیا ۔

معاون خصوصی نے وزیر اعلیٰ پنجاب کی ہدایت پر بھیس بدل کر عام شہریوں کی حیثیت سے ہسپتال کا دورہ کیا اورہسپتال میں ادویات کی مفت فراہمی کا جائزہ لیا۔معاون خصوصی نے  چہرے پر ماسک پہن کرمریضوں کے لواحقین سے ادویات کی مفت فراہمی کے  بارے میں  پوچھ گچھ کی۔ مریضوں کے لواحقین نے ادویات کی مفت فراہمی کا اعتراف کیا ۔

معاون خصوصی وزیر اعلیٰ پنجاب راشد اقبال نصر اللہ  کا اس موقع پر کہنا تھا کہ وزراء صوبے بھر میں ہسپتالوں کے دورے کر رہے ہیں،تمام ادویات ہسپتال کے اندر فارمیسی سے مل رہی تھیں  ۔وزیراعلیٰ پنجاب مریم نواز کےادویات کی مفت فراہمی کو یقینی بنانے کے واضح احکامات ہیں،ہسپتالوں میں ادویات کی مفت فراہمی جاری ہے۔ شہری باہر سے ادویات منگوانے یا پیسے لینے کی صورت میں شکایت کا اندراج کروائیں۔ہسپتالوں میں مریضوں کو سہولیات کی فراہمی کیلئے تمام تر اقدامات کیے جا رہے ہیں ۔وزیراعلیٰ پنجاب کے ہسپتالوں کے دورے سے نمایاں بہتری آئی ہے ۔مفت علاج شہریوں کا بنیادی حق ہے حکومت ہر صورت یقینی بنائے گی۔