پنجاب یونیورسٹی میں پولیس کی وردی کی آڑ میں آئس سپلائی کرنیوالا گرفتار
لاہور (ڈیلی پاکستان آن لائن )لاہور پولیس نے وردی کی آڑ لے کر پنجاب یونیورسٹی میں آئس سپلائی کی کوشش کرنے والے پولیس اہلکار کو گرفتار کر لیا۔ ترجمان کا کہنا ہے کہ اہلکار اعجاز کچھ عرصہ قبل ہی کلوز لائن ہو چکا تھا۔
نجی ٹی وی آج نیوز نے ترجمان پولیس کے حوالے سے بتایا کہ لاہور میں پنجاب یونیورسٹی میں آئس بیچنے والا پولیس اہلکار گرفتار کرلیا گیا۔ وردی میں ملبوس اہلکارنے آئس لے کر جامعہ میں داخلے کی کوشش کی۔ اہلکار اعجاز کچھ عرصہ قبل ہی کلوز لائن ہو چکا تھا۔ڈی آئی جی آپریشنز کا کہنا ہے کہ نیٹ ورک میں ملوث دیگر ملزمان کی تلاش جاری ہے۔ اہلکار اعجاز علی انویسٹی گیشن ونگ کے دفتر میں تعینات تھا۔
ترجمان فیصل کامران کا کہنا ہے کہ بہترین کارروائی پر ڈی آئی جی آپریشنز نے اقبال ٹاو¿ن پولیس ٹیم کو شاباش دی۔ منشیات فروشی کیخلاف انٹیلی جنس کا مضبوط نیٹ ورک بنایا ہے۔
فیصل کامران کے مطابق پولیس میں اندرونی احتساب، مسلسل نگرانی کا عمل موجود ہے، ایک مجرم پولیس اہلکار پوری فورس کی بدنامی کا باعث بنتا ہے، وردی کی آڑ میں جرم کرنے والوں کیخلاف کریک ڈاو¿ن جاری ہے۔
