جس سمت بھی دیکھوں نظر آتا ہے کہ تم ہو
جس سمت بھی دیکھوں نظر آتا ہے کہ تم ہو
اے جانِ جہاں یہ کوئی تم سا ہے کہ تم ہو
یہ خواب ہے، خوشبو ہے، کہ جھونکا ہےکہ پل ہے
یہ دھند ہے، بادل ہے، کہ سایا ہے کہ تم ہو
اس دید کی ساعت میں کئی رنگ ہے لرزاں
میں ہوں کہ کوئی اور ہے، دُنیا ہے کہ تم ہو
دیکھو یہ کسی اور کی آنکھیں ہیں کہ میری
دیکھوں یہ کسی اور کا چہرہ ہے کہ تم ہو
یہ عمرِ گریزاں کہیں ٹھہرے تو یہ جانوں
ہر سانس میں مجھ کو یہ لگتا ہے کہ تم ہو
ہر بزم میں موضوعِ سخن دل زدگاں کا
اب کون ہےشیریں ہے کہ لیلا ہے کہ تم ہو
اک درد کا پھیلا ہوا صحرا ہے کہ میں ہوں
اک موج میں آیا ہوا دریا ہے کہ تم ہو
وہ وقت نہ آئے کہ دلِ زار بھی سوچے
اس شہر میں تنہا کوئی ہم سا ہے کہ تم ہو
آباد ہم آشفتہ سروں سے نہیں مقتل
یہ رسم بھی شہر میں زندہ ہے کہ تم ہو
اے جانِ فراز اتنی بھی توفیق کسے تھی
ہم کو غمِ ہستی بھی گوارا ہے کہ تم ہو
شاعر: احمد فراز
Jiss Samat Bhi Dekhun Nazar Aata Hay Keh Tum Ho
Ay Jaan e Jaan Yeh Koi Tum Sa Hay Keh Tum Ho
Yeh Khaab Hay , Khushbu Hay Keh Jhonka Hay Keh Pall Hay
Yeh Dhund hay , Baadal Hay Keh Saaya Hay Keh Tum Ho
Iss Deed Ki Saat Men Kai Rang Hen Larzaan
Main Hun Keh Koi Aor Hay, Dunya Hay Keh Tum Ho
Dekho Yeh Kisi Aor Ki Aankhen Hen Keh Meri
Dekhun Yeh Kisi Aor Ka Chehra Hay Keh Tum Ho
Yeh Umr e Gurezaan Kahen Thehray To Yeh Jaanun
Har Saans Men Mujh Ko Yahi LAgta Hay Keh Tum Ho
Har Bazm Men Mozu e Sukhan Dil zadgaan Ka
Ab Kon Hay Sheren Hay Keh Laila Hay Keh Tum Ho
Ik Dard Ka Phaila Hua Sehra Hay Keh Main Hun
Ik Maoj Men Aaya Hua Darya Hay Keh Tum Ho
Wo Waqt Na Aaey Keh Dil e Zaar Bhi Sochay
Iss Shehr Men Tanha Koi Ham Sa Hay Keh Tum Ho
Abaad Ham Ashufa Saron Say Nahen Maqtal
Yeh Rasm Abhi Shehr Men Zinda Hay Keh Tum Ho
Aey Jaan e FARAZ Itni Bhi Tofeeq Kisay Thi
Ham Ko Gham e Hasti Bhi Gawaara Hay Keh Tum Ho
Poet: Ahmad Faraz
