‘‘اب نصر اللہ کے بغیر نہیں رہ سکتی‘‘پاکستانی نوجوان کی محبت میں گرفتار بھارتی لڑکی دیر بالا پہنچ گئی
دیربالا(ڈیلی پاکستان آن لائن)پاکستانی نوجوان کی محبت میں گرفتار بھارتی لڑکی دیربالاپہنچ گئی۔
نجی ٹی وی چینل ایکسپریس نیوز کے مطابق فیس بک پر ہونیوالی دوستی محبت میں بدل گئی، بھارتی لڑکی اپنا پیار پانے کیلئے سرحد پار سے پاکستان پہنچ گئی۔
ذرائع کے مطابق بھارت کی 35سالہ انجو کی 29سالہ نصراللہ سے فیس بک پر دوستی ہوئی تھی جو وقت کے ساتھ ساتھ محبت میں بدل گئی، لڑکی اپنی محبت کو پانے کیلئے سرحد پار کر کے پاکستان پہنچ گئی۔
سکیورٹی ذرائع کا کہنا ہے کہ انجوکی نصراللہ کیساتھ دوستی کی تحقیقات جاری ہیں، بھارتی لڑکی انجو کاکہنا ہے کہ اب دیر کے نصر اللہ کے بغیر نہیں رہ سکتی۔
