راشد نصیر کا یو ٹیوبر عادل راجہ کے خلاف ہتک عزت کا مقدمہ، دوسرے دن کی سماعت

لندن (مجتبیٰ علی شاہ)لندن ہائی کورٹ میں بریگیڈیئر ریٹائرڈ راشد نصیر کے یو ٹیوبر عادل راجہ کے خلاف ہتک عزت کا مقدمہ، دوسرے دن کی سماعت کا آغاز ہوگیا .

تفصیل کے مطابق سماعت کا آغاز بریگیڈیئر ریٹائرڈ راشد نصیر پر جرح سے ہوا جو مقدمہ کے پہلے دن سے جاری تھی، بریگیڈیئر ریٹائرڈ راشد نصیر سے عادل راجہ کے وکیل نے متعدد سوالات کئے، بریگیڈیئر ریٹائرڈ راشد نصیر نے بتایا کہ عادل راجہ کی ٹوئٹس کے سبب انھیں اور ان کے خاندان کے افراد کو فون پر دھمکیاں دی گئیں ۔

 بریگیڈیئر ریٹائرڈ راشد نصیر نے موقف اپنایا کہ میرے بیٹے کی تصویر اور اس کی امریکا میں یونیورسٹی کا پتہ بھی شائع کیا گیا،مقدمہ کے تمام اخراجات خود برداشت کر رہا ہوں۔راشد نصیر نے بتایا کہ پنجاب میں انتخابات میں دھاندلی کے الزامات کی فوج میں اعلیٰ سطح پر تحقیقات کے بعد مجھے بے گناہ قرار دیا۔