غذائی قلت سے پاکستانیوں کی اموات شروع، افسوسناک خبرآگئی

غذائی قلت سے پاکستانیوں کی اموات شروع، افسوسناک خبرآگئی
غذائی قلت سے پاکستانیوں کی اموات شروع، افسوسناک خبرآگئی

  

تھرپارکر(ویب ڈیسک) سندھ کے ضلع تھرپارکر میں غذائی قلت کے باعث مزید 4 بچے دم توڑ گئے۔

ہم نیوز کے مطابق جاں بحق ہونے والے بچوں میں 4 سالہ حیات رند اور 3 نومولود شامل ہیں۔ تھرپارکر میں رواں ماہ جاں بحق ہونے والے بچوں کی تعداد 46 ہو گئی۔تھرپارکر میں رواں سال جاں بحق ہونے والے بچوں کی تعداد 358 ہو گئی۔ گزشتہ ہفتے تھر میں غذائی قلت کے باعث 6 بچے دم توڑ گئے۔

چینل ذرائع کے مطابق غذائی قلت اور امراض کے باعث بچوں کی اموات کا سلسلہ جاری ہے۔ رواں ماہ کے اٹھارہ روز میں جاں بحق بچوں کی تعداد 42 ہو گئی ہے جبکہ 35 بچے سول اسپتال مٹھی میں زیر علاج ہیں۔محکمہ صحت ذرائع کے مطابق رواں سال کے پہلے ماہ جنوری میں ستتر، فروری میں چیاسٹھ ، مارچ میں سینتالیس، اپریل میں انسٹھ اور مئی میں ترسٹھ بچے جاں بحق ہوئے۔

اسی طرح دو ہزار اٹھارہ میں پانچ سو پانچ بچے بھوک اور امراض کی وجہ سے مرجھا گئے۔ دو ہزار سترہ میں بھی چار سو پینتالیس ،دو ہزار سولہ میں چار سو اناسی، دو ہزار پندرہ میں تین سو اٹھانوے اور دو ہزار چودہ میں تین سو چھبیس بچے جاں بحق ہوئی۔

خیال رہے کہ سال 2019 میں سامنے آنے والے ایک سروے کے مطابق سندھ میں پانچ سال سے کم عمر کے 50 فیصد بچوں کوغذائی قلت کا سامنا ہے۔یونیسیف اور برطانوی ہائی کمیشن کے اشتراک سے شائع کی جانے والی قومی غذائی سروے رپورٹ 2018 کے مطابق صوبہ میں پانچ سال سے کم عمر کے بچوں میں سے 40 فیصد بچے وزن کی کمی کا شکار ہیں۔ اس کے ساتھ ساتھ صوبے میں 40 فیصد نوبالغ لڑکے اور لڑکیاں بھی خون کی کمی کا شکار ہیں۔

مزید :

علاقائی -سندھ -تھرپارکر -