پاکستان باڈی بلڈنگ فیڈریشن نے مجھے سرپرستی کا کہا، میں ہر مثبت اور تعمیری کام میں کردار کے لیے تیار ہوں:چوہدری شجاعت حسین

لاہور (ویب ڈیسک) مسلم لیگ ق کے سربراہ چوہدری شجاعت حسین نے کہا ہے کہ "پاکستان باڈی بلڈنگ فیڈریشن نے مجھے سرپرستی کا کہا، میں ہر مثبت اور تعمیری کام میں کردار کے لیے تیار ہوں ،ملک میں خدمت کرنے کے بہت سارے شعبے ہیں، کھیل ہسپتال ویران، گھر اور میدان آباد کرتے ہیں " وہ  پارٹی  ترجمان مصطفی ' ملک اور دیگر رہنماؤں سے گفتگو کررہے تھے۔

چوہدری شجاعت حسین کاکہناتھاکہ کھیل کو کھیل ہی رہنا دیا جائے تو نوجوان مثبت سرگرمیوں کی طرف راغب ہوں گے، کھیل کے میدان، جم اور اکھاڑے  آباد کرنے سے نوجوانوں کی جسمانی و ذہنی صلاحیتوں میں نکھار آئے گا ،ہمیشہ کھیلوں اور مثبت سرگرمیوں کی سرپرستی کی ،16 سال پاکستان کبڈی فیڈریشن کا صدر رہا۔

انہوں نے مزید کہا کہ کبڈی کو روایتی کھیل سے نکال کر عالمی نوعیت کی گیم بنایا، میرے دور میں کبڈی فیڈریشن نے وزیراعظم کپ، سیف گیمز جیتیں، دو دفعہ بھارت میں سیمی فائنل جیتے ، اب میرے بڑے بیٹے چوہدری شافع حسین کبڈی فیڈریشن کے صدر ہیں  اور چوہدری شافع حسین کی سربراہی میں 2020 میں پاکستان سے بھارت سے ورلڈ کیپ جیتا ۔

مسلم لیگ ق کے سربراہ کاکہناتھاکہ  گیلان میں منعقدہ ورلڈ کپ میں پاکستانی ٹیم سیمی فائنل جیتی ، ہر ذمہ دار شہری اور محب وطن پاکستانی کو کھیلوں کی سرپرستی کرنی چاہیے، کرکٹ کے ساتھ حکومت ہاکی، فٹ بال،والی بال،ٹینس، دوسری کھیلوں پر بھی توجہ دے ،صرف سیاست ہی عبادت نہیں، ملک کے مستقبل کے لیے نوجوانوں کی اخلاقی،جسمانی ، روحانی تربیت ، کردار سازی بھی عبادت ہے ، پاکستان باڈی بلڈنگ فیڈریشن نے مجھے سرپرستی کا کہا، میں ہر مثبت اور تعمیری کام میں کردار کے لیے تیار ہوں ،ملک میں خدمت کرنے کے بہت سارے شعبے ہیں، کھیل ہسپتال ویران، گھر اور میدان آباد کرتے ہیں ۔

چوہدری شجاعت حسین  کاکہنا تھاکہ ہمیشہ ہماری سوچ مثبت اور تعمیری ہونی چاہئے ، پاکستان آگے بڑھ رہا ہے، اقوام عالم ہمارا کردار تسلیم کررہی ہیں ، پاک سعودی دفاعی معاہدہ تاریخی کامیابی ہے، حکومت، فوج اور عوام مبارکباد کے مستحق ہیں ، ہم سب نے پاکستان کی تعمیر و ترقی اور خوشحالی میں کردار ادا کرنا ہے ۔