ڈاکوؤں کے ہاتھوں یرغمال کانسٹیبل کے ورثا ءکا احتجاج، بازیابی کا مطالبہ
لیاقت پور (ڈیلی پاکستان آن لائن)کچے کے بے لگام ڈاکوؤں کے ہاتھوں یرغمال بنائے گئے کانسٹیبل احمد نواز کے ورثا ءنے احتجاج کیا۔
کانسٹیبل احمد نواز کے ورثا ءنےشہریوں کے ہمراہ اللہ والے چوک پر روڈ بلاک کردی جس سے سڑک پر گاڑیوں کی لائنیں لگ گئی،مظاہرین نے اس موقع پر شدید نعرے بازی بھی کی ۔
خیال رہے گزشتہ روز ماچھکہ واقعہ میں کانسٹیبل احمد نواز کو ڈاکوؤں نے اغواء کرلیا تھا، مغوی کانسٹیبل کی ویڈیو جاری ہونے کے بعد والدین شدید پریشان ہیں۔
ورثاء اور اہل علاقہ نے اعلیٰ حکام سے فوری طور پر مغوی کانسٹیبل کو بازیاب کروانے کا مطالبہ کیا ہے۔
