حسن علی کا انگلش کاؤنٹی کلب وارکشائر کے ساتھ معاہدہ طے پا گیا
لندن(ڈیلی پاکستان آن لائن)پاکستانی فاسٹ باؤلر حسن علی کا انگلش کاؤنٹی کلب وارکشائر کے ساتھ معائدہ طے پا گیا، حسن علی 2025 کاؤنٹی سیزن میں وارکشائر کی نمائندگی کریں گے۔
"سماء نیوز "کے مطابق حسن علی تمام فارمیٹس میں وارکشائر کیلئے دستیاب ہوں گے، انگلینڈ کا کاؤنٹی سیزن مئی کے آخر سے ستمبر تک جاری رہے گا۔ حسن علی کا کہناتھا کہ ایجبسٹن گراؤنڈ ان کے لیے دوسرا گھر نہیں بلکہ پہلا گھر بن چکا ہے۔پاکستانی کرکٹر حسن علی اس سے قبل بھی وارکشائر کاؤنٹی کرکٹ کلب کی نمائندگی کرچکے ہیں اور 2024 کاؤنٹی سیزن میں وارکشائر کی نمائندگی کرتے ہوئے انجری کا شکار ہوگئے تھے تاہم انہوں نے 2023 اور 2024 میں کاؤنٹی چیمپئن شپ میں 27 وکٹیں حاصل کیں تھیں۔
حسن کا کہنا تھا کہ انجری کے بعد 100 فیصد فٹ ہو چکا ہوں اور وارکشائر کے لیے کھیلنے کے لیے تیار ہوں۔
وارکشائر کوچ مارک رابنسن نے کہا ہےکہ پی سی بی نے یقین دہانی کرائی ہے کہ حسن علی 2025 سیزن میں مکمل دستیاب ہوں گے۔
