پاکستان کیخلاف میچ میں سری لنکن کھلاڑی نے ناپسندیدہ ریکارڈ اپنے نام کر لیا

دبئی(ڈیلی پاکستان آن لائن)ایشیا کپ 2025 کے سپر  فور مرحلے میں پاکستان کے خلاف میچ میں سری لنکا کے سابق کپتان اور  آل راؤنڈر ڈاسن شناکا نے ٹی ٹوئنٹی انٹرنیشنل کرکٹ میں سب سے زیادہ صفر پر آؤٹ ہونے کا ناپسندیدہ  ریکارڈ اپنے نام کر لیا۔

ایشیا کپ 2025 کے سپر فور  مرحلے میں پاکستان کے خلاف میچ میں سری لنکا کی ٹیم شروع سے ہی مشکلات کا شکا ر  رہیں۔  آدھی ٹیم 58 کے مجموعی سکور  پر پویلین لوٹ گئی تھی۔

اس میچ میں سری لنکا کے کھلاڑی ڈاسن شناکا صفر پر آؤٹ ہوئے اور اس طرح انہوں نے  ٹی ٹوئنٹی انٹرنیشنل کرکٹ میں سب سے زیادہ مرتبہ صفر  پر آؤٹ ہونے کا شرمناک ریکارڈ بھی اپنے نام کر لیا۔

پاکستان کے خلاف میچ میں بغیر کوئی رن بنائے آؤٹ ہونے کے بعد  ڈاسن شناکا  ٹی ٹوئنٹی انٹرنیشنل میں 14 مرتبہ صفر پر آؤٹ ہونیوالے پہلے کھلاڑی بن گئے۔

اس کے بعد فہرست میں 13 صفر کے ساتھ روانڈا کے  مارٹن اکائیزو ، بنگلہ دیش کے سومیا سرکار اور آئرلینڈ کے  اوپنر پال اسٹرلنگ شامل ہیں۔

یاد رہے کہ ایشیا کپ ٹی ٹوئنٹی ٹورنامنٹ کے سپر  4 مرحلے میں پاکستان نے سری لنکا کو 5 وکٹوں سے شکست دے کر  2  اہم پوائنٹس حاصل کرلیے ہیں۔ْ

پاکستان نے سری لنکا کا 134 رنز کا ہدف 18 اوورز میں 5 وکٹوں کے نقصان پر حاصل کیا۔