ایشیاء کپ میں ابرار اور ہاسارنگا کے جشن کے چرچے، ایک دوسرے کے انداز میں سیلیبریشن

دبئی(ڈیلی پاکستان آن لائن)ایشیا ءکپ ٹی 20 کے سپر فور مرحلے کے پاکستان اور سری لنکا کے میچ میں پاکستانی اسپنر ابرار احمد اور سری لنکن اسپنر وانندو ہاسارنگا کے جشن کے چرچے ہونے لگے، ابرار نے ہاسارنگا کو چلتا کیا تو انہی کے انداز میں سیلیبریشن کی اور پھر ہاسارنگ کی باری آئی، کیچ پکڑنے اور وکٹ لینے کے بعد ابرار کا انداز کاپی کیا جب کہ کمنٹیٹرز اور کھلاڑیوں نے خوب انجوائے کیا۔

بھارتی خبر رساں ادارے’’ ٹائمز آف انڈیا کے مطابق ایشیا ءکپ سپر فور کے اہم میچ میں پاکستان نے شاندار بولنگ کا مظاہرہ کرتے ہوئے سری لنکا کو محض 133 رنز پر روک دیا۔ شیخ زید سٹیڈیم میں کھیلے گئے اس مقابلے میں گرین شرٹس کے فاسٹ بولرز نے حریف بیٹرز کو سنبھلنے نہ دیا۔

پاکستان کی جانب سے شاہین شاہ آفریدی سب سے نمایاں بولر رہے جنہوں نے 3 وکٹیں حاصل کر کے ابتدا ءہی میں سری لنکا پر دباؤ ڈال دیا۔

سری لنکا کی جانب سے کامندو مینڈس 50 رنز بنا کر نمایاں رہے جب کہ اسالانکا نے 20 اور چمیکا کرونارتنے نے ناٹ آؤٹ 17 رنز جوڑے تاہم ابتدائی نقصان نے ٹیم کی پیش رفت کو شدید متاثر کیا اور پوری ٹیم اوسط سے کم ہدف تک محدود رہی۔

 حارث رؤف اور حسین طلعت نے دو دو شکار کیے جب کہ ابرار احمد نے نہ صرف نپی تلی بولنگ کی بلکہ ونیندو ہاسارنگا کی قیمتی وکٹ بھی حاصل کی۔

سپورٹس مین سپرٹ 
پاکستان اور سری لنکا کے درمیان کھیلے گئے میچ میں دونوں ٹیموں نے کانٹے دار مقابلہ کیا۔ حتیٰ کہ پاکستان کی اننگز کے دوران میچ کا پلڑا بار بار شفٹ ہوتا رہا۔ 

اسی دوران پاکستان کھلاڑی ابرار احمد کے انداز کو ہارا سنگا نے کاپی کیا اور پاکستانی بلے بازوں کو آؤٹ کرکے… pic.twitter.com/ZEoPLeGtg4

— Al Jazeera Urdu (@AljazeraUrdu1) September 23, 2025

دلچسپ لمحہ اس وقت دیکھنے کو ملا جب ابرار نے ہاسارنگا کو آؤٹ کرنے کے بعد انہی کے مشہور انداز میں جشن منایا۔ یہ منظر فوری طور پر سوشل میڈیا پر وائرل ہوگیا اور شائقین نے بھرپور دلچسپی کا اظہار کیا۔

Pic 1: Abrar with the celebration of Hasaranga????

Pic 2: Hasaranga with the celebration of Abrar???? pic.twitter.com/QrMrUTTMvz

— arnav. (@TheDrArnav) September 23, 2025

 اس کے بعد پاکستان کی بیٹنگ کے دوران سری لنکن اسپنر وانندو ہاسارنگا کی باری آئی، کیچ پکڑنے اور وکٹ لینے کے بعد ابرار احمد کا انداز کاپی کیا، جس پر کمنٹیٹرز اور کھلاڑیوں نے خوب انجوائے کیا۔

پاکستان نے ٹاس جیت کر پہلے فیلڈنگ کا فیصلہ کیا تھا اور ان کی بولنگ نے اس فیصلے کو درست ثابت کیا۔ اب دونوں ٹیموں کی نظریں ایشیا ءکپ 2025 کے فائنل میں جگہ بنانے پر مرکوز ہیں۔