پنجاب یونیورسٹی انتظامیہ کا ڈسپلن کی خلاف ورزی پر 37 طلباء کے خلاف ایکشن، شعبہ فلسفہ کے طالبعلم کے یونیورسٹی داخلےپرپابندی
لاہور (ڈیلی پاکستان آن لائن) پنجاب یونیورسٹی انتظامیہ کا ڈسپلن کی خلاف ورزی پر 37 طلباء کے خلاف ایکشن۔ مختلف شعبہ جات کے طلباء بشمول محمد عماد اختر، محمد عمار خان، حاجی زین سرفراز،عاطف نواز، محمد سمیع اللہ، محمد فاروق، شعیب عامر فخری پر 20ہزار روپے جرمانہ عائد کردیا گیا۔
ترجمان کے مطابق حنین عارف، انصار علی،محمد سالار احمد، حماد علی، سمیع اللہ، شمریز ممتاز،زین شوکت، طیب احمد، انور کمال، محمد انیس، عثمان احمدکو بھی 20ہزار روپے جرمانہ کیا گیا، اسی طرح غضنفر علی ریحان، محمد حامد رضا اورغلام مرتضیٰ کوبھی 20ہزار روپے جرمانہ کیا گیا ہے۔
پنجاب یونیورسٹی ترجمان کے مطابق طالبعلم سعدیہ بلوچ، مقصوم عبداللہ، ابوبکر صدیق، مقداد علی، عبدالکریم احسن، محمد سلیمان ، سمیع اللہ ، محمد عرفان، محمد یار، فدا محمد، سلمان یار خان،انعام اللہ، محمد عرفان، عبدالحئی اور جمیل احمد کو 3 ماہ تک آزمائشی مدت میں رکھنے کا فیصلہ دیا گیا۔
ڈسپلنری کمیٹی نے سیف اللہ،محمد سلیمان، شہزاد،محمد وہاب خورشید اورمحمد ابرارکی معافی قبول کرتے ہوئے سٹوڈنٹ شپ بحال کردی۔جبکہ انتظامیہ نے شعبہ سوشل ورک کے طالبعلم محمد فاروق کارزلٹ روک لیا ہے۔
ترجمان کے مطابق شعبہ فلسفہ کے محمد اسرار پر یونیورسٹی احاطے میں داخل ہونے پر پر سختی سے پابندی لگا دی گئی۔وائس چانسلر ڈاکٹر محمد علی کی ہدایت پر ڈسپلن کی خلاف ورزیوں کے مرتکب طلباء کے خلاف بلا امتیاز کارروائی جاری رہے گی۔
