نائیجیریا میں ایندھن کے ٹینکر میں دھماکا، 18 افراد ہلاک

ابوجا(ڈیلی پاکستان آن لائن )نائیجیریا کی ریاست اینوگو میں ایندھن کے ٹینکر میں دھماکے کے نتیجے میں 18 افراد ہلاک ہوگئے۔
روز نامہ امت نے بین الاقوامی میڈیا کے حوالے سے بتایا کہ ٹرک بریک فیل ہو جانے کی وجہ سے ڈرائیور کے قابو سے باہر ہوگیا تھا، جس کے بعد اس حادثے کی لپیٹ میں درجنوں گاڑیاں بھی آگئیں۔
نائیجیرین روڈ سیفٹی ایجنسی کے ترجمان کے مطابق اس حادثے میں بچ جانے والے 10 افراد کو مختلف نوعیت کی چوٹیں آئی ہیں۔
یاد رہے کہ ایک ہفتے پہلے بھی نائیجیریا کے شمال میں ٹینکر حادثے میں تقریباً 100 افراد ہلاک ہوئے تھے۔