خیبر؛ سیکیورٹی فورسز کی کارروائی، مکان سے خودکش جیکٹ برآمد
خیبر(ڈیلی پاکستان آن لائن)خیبر میں سیکیورٹی فورسز نے آپریشن کے دوران مکان سے خودکش جیکٹ برآمد کرلی۔
نجی ٹی وی چینل" ایکسپریس نیوز" کے مطابق سیکیورٹی ذرائع کا کہنا ہے کہ تھانہ لنڈی کوتل کی حدود سلطان خیل میں سرچ آپریشن کیا گیا،سرچ آپریشن میں سیکیورٹی فورسز اور پولیس نے حصہ لیا، چھاپے کے دوران خالی مکان سے خودکش جیکٹ برآمدہوئی۔سکیورٹی ذرائع کا مزیدکہناتھا کہ کارروائی علی مسجد سے گرفتار شخص سے تفتیش کے نتیجے میں کی گئی ،خودکش جیکٹ کو سیکیورٹی فورسز نے ناکارہ بنا دیا۔
