قبضہ وہ کر کے بیٹھ گیا ایسا دوستو۔۔۔
![قبضہ وہ کر کے بیٹھ گیا ایسا دوستو۔۔۔](https://dailypakistan.com.pk/digital_images/large/2024-07-26/news-1722015037-7338.jpg)
تنہائیوں کے روگ کو پالا نہیں گیا
ہم سے تمھارا ہجر سنبھالا نہیں گیا
قبضہ وہ کر کے بیٹھ گیا ایسا دوستو!
اک دکھ کو شہرِ جاں سے نکالا نہیں گیا
حیلے ہزار ہم نے کیے روز و شب مگر
غم کو خوشی کےروپ میں ڈھالانہیں گیا
تم نے بنا دیا ہے مجھے راستوں کی دھول
مجھ سے تمھارا نام اچھالا نہیں گیا
ہم نےبھی دل کی بات کسی سےنہیں کہی
تم کو بھی امتحان میں ڈالا نہیں گیا
کہنے کو روشنی کے تمنائی تھے امین
پل بھر کو جن کے ساتھ اجالا نہیں گیا
کلام : امین اوڈیرائی