کرک میں 4 گاڑیوں میں خوفناک تصادم، 2 خواتین سمیت 5 افراد جاں بحق
کرک (ویب ڈیسک) انڈس ہائی وے پر سپینہ موڑ کے قریب چار گاڑیوں میں خوفناک تصادم میں 2خواتین سمیت5افراد جاں بحق جبکہ 11 افراد شدید زخمی ہوگئے ہیں۔
تفصیلات کے مطابق سپینہ موڑ جو خونی موڑ سے بھی مشہور ہے پر ٹریفک کا المناک حادثہ پیش آیا جس میں ٹرالر مسافر کوچ کے اوپر گر گیا جبکہ بعد میں 1 موٹر کار اور ٹرک بھی متاثرہ ٹرالر سے ٹکرا گئے۔حادثے کے نتیجے میں 2 خواتین سمیت5 افراد دم توڑ گئے جبک11 افراد شدید زخمی ہوئے، حادثے کے بعد 2گھنٹے روڈ بند رہی، ریسکیو ٹیم نے ہیوی مشینری استعمال کرکے گاڑیوں کو ہٹایا اور پھنسے ہوئے لاشوں اور زخمیوں کو نکال کر ڈی ایچ کیو منتقل کر دیا۔
واقعے کی اطلاع پر ہسپتال عملے کے علاوہ اے سی کرک شہاب خان اور دیگر افسران ہسپتال پہنچ گئے اور زخمیوں کو فراہم کی جانے والی طبی سہولیات کا جائزہ لیا۔بعد ازاں جاں بحق افراد جس میں1 کا تعلق جیک آباد، 2کا تعلق ٹانک جبکہ ایک کا تعلق وزیرستان سے تھا کو اپنے آبائی علاقوں کو روانہ کردیا گیا۔
