وفاقی حکومت کا خیبرپختونخوا میں 5 افغان مہاجرین کیمپس بند کرنے کا فیصلہ

اسلام آباد(ڈیلی پاکستان آن لائن)افغان شہریوں کی واپسی کے معاملے پر وفاقی حکومت نے خیبرپختونخوا کے 5  افغان مہاجرین کیمپس بند کرنے کا فیصلہ کر لیا۔ وزارت سیفران نے باضابطہ نوٹیفکیشن جاری کر دیا۔

نجی ٹی وی’’ سماء نیوز‘‘ کے مطابق حکومتی فیصلے کےمطابق بند کیے گئے کیمپس میں  3 ہری پور،ایک چترال اور ایک دیر اپر میں قائم تھے۔ زمین صوبائی حکومت اورمتعلقہ ڈپٹی کمشنرز کےحوالےکرنے کےاحکامات جاری کیےگئے ہیں،ذرائع کےمطابق ہری پور کے پنیان کیمپ میں گزشتہ 40 برس سے 1 لاکھ سے زائد افغان مہاجرین رہائش پذیر تھے۔

یو این ایچ سی آرکاکہنا ہےکہ افغان مہاجرین کی سب سےبڑی تعداد اس وقت خیبرپختونخوا میں موجود ہے،دوسری جانب وزیراعلیٰ خیبرپختونخوا علی امین گنڈاپور افغان مہاجرین کی زبردستی وطن واپسی کے خلاف بیان دے چکے ہیں۔