فیصل واوڈا کی دھواں دار پریس کانفرنس پر نواز شریف کا بیان بھی آگیا

لندن(ڈیلی پاکستان آن لائن) پاکستان مسلم لیگ (ن) کے قائد میاں نواز شریف نے کہا ہے کہ لکھ لیں لانگ مارچ فلاپ ہو گا، فیصل واوڈا نے بھی کہہ دیا ہے کہ لانگ مارچ خونی ہو گا۔

لندن میں میڈ یا سے گفتگو کرتے ہوئے انہوں نے کہا کہ عمران خان کوئی انقلاب نہیں لا رہا ہے، لوگوں نے عمران خان کا انقلاب چار سالہ حکومت میں دیکھ لیا ہے۔ان کا کہنا تھا کہ  یہ صرف اپنی مرضی کا آرمی چیف لگانا چاہ رہے ہیں، آرمی چیف کسی پارٹی کا نہیں بلکہ ایک ملکی ادارے کا سربراہ ہوتا ہے۔میاں نواز شریف نے کہا کہ عمران خان انقلابی بندہ نہیں جھوٹا آدمی ہے، لوگوں کو چور کہتا ہے خود سب سے بڑا چور ہے، مجھے بتائیں فارن فنڈنگ سے بڑی کون سی چوری ہے؟