تجھ سے بچھڑ کر دل کی صدا کو بہ کو گئی| خلیل الرحمان اعظمی |

تجھ سے بچھڑ کر دل کی صدا کو بہ کو گئی
لے آج دردِ عشق کی بھی آبرو گئی

وہ رَت جگے رہے نہ وہ نیندوں کے قافلے
وہ شامِ مے کدہ وہ شامِ مشک بو گئی

اے کاش میں نہ سازِ حقیقت کو چھیڑتا
وہ دل نواز اک خلشِ جستجو گئی

کتنی عجیب شے تھی مگر خواہشِ وصال
جوتیری ہوکے بھی نہ ترے روبرو گئی

سینہ لہولہان تھا ہر ہر کلی کا آج

بادِ صبا چمن سے بہت سرخرو گئی

شاعر: خلیل الرحمان اعظمی

 (شعری مجموعہ: آسماں اے آسماں؛سال اشاعت،2000)

Tujh   Say   Bichharr   K   Dil   Ki   Sadaa   Koo   Ba   Koo   Gai

Lay   Aaaj   Dard-e-Eshq   Ki    Aabro   Gai

Wo Rat   Jagay   Rahay   Na   Wo   Neendon   K   Qaafilay

Wo   Shaam-e-Maykadaa   Wo   Shab-e-Mushkboo  Gai

Ay    Kaash   Main   Na   Saaz-e-Haqeeqat    Ko   Chhairrta

Wo    Dil    Nawaaz    Ik    Khalish-e-Justajoo    Gai

Kitni    Ajeeb    Shay    Thi     Magar     Khaahish-e-Visaal

Jo    Teri    Ho    K    Bhi    Na   Tiray   Ru Ba  Roo   Gai

Seena    Lahu    Lohaan   Tha   Har   Har   Kali   Ka   Aaj

Baad-e-Sabaa    Chaman   Say   Bahut   Surkh  Roo    Gai

Poet: Khalilur    Rehman   Azmi