ڈی پی او چکوال احمد محی الدین کے والد انتقال کرگئے
چکوال ( آئی این پی ) ڈی پی او چکوال احمد محی الدین کے والد مختصر علالت کے بعد انتقال کرگئے، مرحوم کرنل(ر) محی الدین کو ہزاروں سوگواروں کی موجودگی میں آبائی قصبہ ڈنگا تحصیل کھاریاں میں پیر کی سہ پہر ،سپردخاک کردیاگیا۔
نماز جنازہ میں اعلیٰ پولیس افسران، رشتہ داروں اور عمائدین علاقہ کی بڑی تعداد نے شرکت کی۔یادرہے کہ احمد محی الدین کا شما ر پنجاب پولیس کے انتہائی قابل اور پروفیشنل پولیس افسران میں ہوتا ہے اور پاکستانیوں کے پسندیدہ پولیس افسران میں ان کا شمار ہوتا ہے ۔
اِدھر چکوال پریس کلب کا ہنگامی اجلاس خواجہ بابرسلیم محمود کی صدارت میں منعقد ہوا جس میں مرحوم کرنل(ر) کے ایصال ثواب کیلئے فاتحہ خوانی کی گئی اور ڈی پی او احمد محی الدین سے انکے والد کے انتقال پر گہرے دکھ اور رنج کا اظہار کیاگیا۔
اس موقع پر سیکرٹری جنرل ذوالفقار میر، راجہ افتخار احمد، عبدالخالق درویش، شیخ احسان اسلم، اسد ظریف ، وقاص سعید، تنویر عباس بھی موجود تھے۔
