چینی کی قیمت کو پر لگ گئے، یوٹیلیٹی سٹورز پر بھی مہنگی

لاہور(ڈیلی پاکستان آن لائن)اوپن مارکیٹ کے بعد یوٹیلیٹی سٹورز پر بھی چینی مہنگی ہو گئی۔

چینی کی فی کلو قیمت میں  5 روپے کا اضافہ ہو گیا ہے۔ چینی کی قیمت 140 سے بڑھا کر 145 روپے فی کلو کر دی گئی ہے۔ نجی ٹی وی نے ذرائع کے حوالے سے بتایا کہ چینی کی قیمتیں اوپن مارکیٹ میں اضافے کی وجہ سے بڑھائی گئی ہیں۔

یوٹیلٹی سٹورز کے ذرائع نے کہا ہے کہ سٹورز پر اس اضافے کے بعد چینی کی قیمت اوپن مارکیٹ سے کم ہے۔

یاد رہے کہ گزشتہ ہفتے وفاقی کابینہ نے یو ٹیلٹی سٹورز کے آپریشنز بند کرنے سے متعلق کمیٹی تشکیل دیدی ہے۔