کراچی کے نوجوان کی محبت میں گرفتار امریکی خاتون پاکستان پہنچ گئی،لڑکامکر گیا 

کراچی (ڈیلی پاکستان آن لائن )کراچی کے نوجوان کی محبت میں گرفتار امریکی خاتون اونیا اینڈریو رابنسن پاکستان پہنچ کر دربدر ہوگئیں۔
نجی ٹی وی جیو نیوز کے مطابق 19برس کے نوجوان نے 33 برس کی خاتون اونیا اینڈریو رابنسن کو اپنی محبت کاجھانسہ دے کر نیویارک سے کراچی بلالیا۔
تاہم نو جوان نے والدین کے دباوپر شادی سے انکار کردیا جس کے بعد امریکی خاتون اونیا اینڈریو رابنسن 7 روز سے کراچی ایئرپورٹ پر رہنے پر مجبور تھیں۔ 
وہ پاکستان کے سیاحتی ویزا کی مدت ختم ہونے کے سبب سفر کرنے سے بھی قاصر تھیں۔ 
گورنرسندھ کامران ٹیسوری کا کہنا ہے کہ وہ ایئرپورٹ گئے تو خاتون کے بارے میں انہیں معلومات ملیں، خاتون کو پاکستان کا ویزا دلوایا، واپسی کے ٹکٹ کابھی بندوبست کر دیا ہے۔