لاہور دنیا کے آلودہ ترین شہروں میں سرفہرست
لاہور(ڈیلی پاکستان آن لائن)لاہور ایک بار پھر دنیا کے آلودہ ترین شہروں میں پہلے نمبر پر آگیا۔
نجی ٹی وی چینل جیو نیوز کے مطابق بھارت سے آنے والی آلودہ ہواؤں کی وجہ سے لاہور ایک بار پھر دنیا کے آلودہ ترین شہروں کی فہرست میں پہلے نمبر پر آگیا ہے۔
لاہور کا ائیر کوالٹی انڈیکس 440 ریکارڈ کیا گیا اور بھارتی دارالحکومت نئی دہلی 334 فضائی آلودگی کے انڈیکس کے ساتھ دوسرے نمبر پر رہا۔اس کے علاوہ سکھر 565 ائیر پارٹیکولیٹ میٹرز کے ساتھ ملک کا آلودہ ترین شہر اور شیخوپورہ 483 کے ساتھ ملک کا تیسرا آلودہ شہر رہا۔
دوسری جانب حکومت پنجاب کی جانب سے بھی سموگ ایس او پیز میں نرمی کی گئی ہے۔
