پتوکی میں بھی اے سی کمپریسر پھٹنے سے آگ بھڑک اٹھی، 4 بچے جھلس کر زخمی

قصور (ویب ڈیسک) پنجاب کے شہر پتوکی میں گھر میں اے سی کا کمپریسر پھٹنے سے آگ بھڑک اٹھی، حادثے میں 4 بچے جھلس کر زخمی ہوگئے۔

آج نیوز کے مطابق افسوسناک واقعہ پتوکی کے علاقے پرانی منڈی میں پیش آیا جہاں گھر میں اے سی کا کمپریسر دھماکے سے پھٹ گیا جس کے نتیجے میں گھر کی دیوار گرگئی اور آگ بھڑک اٹھی جبکہ حادثے میں 4 بچے جهلس کر زخمی ہوگئے۔ریسکیو حکام کا کہنا ہے کہ زخمیوں میں احمد، شعبان، حمزہ سلیم اور احمد طالب شامل ہیں، زخمیوں کو تحصیل ہیڈ کوارٹرز ہسپتال پتوکی منتقل کردیا گیا ہے۔