چیمپئنز ٹرافی سے قبل آئی سی سی کے چیف ایگزیکٹو نے استعفیٰ دیدیا 

لاہور (ڈیلی پاکستان آن لائن )انٹرنیشنل کرکٹ کونسل (آئی سی سی) کے چیف ایگزیکٹیو جیف ایلرڈائس  نے اپنے عہدے سے استعفیٰ دے دیا۔

تفصیلات کے مطابق جیف ایلرڈائس کو نومبر2021 میں چیف ایگزیکٹیو کے عہدے پر تعین کیا گیا تھا۔ جبکہ آئی سی سی سے ان کا تعلق 2012 سے ہے۔ اس سے قبل وہ کرکٹ آسٹریلیا میں بطور جنرل منیجر کام کر چکے تھے۔

جیف ایلرڈائس کا کہنا تھا کہ انٹرنیشنل کرکٹ کونسل میں بطور چیف ایگزیکٹیو آفیسر کام کرنا ایک اعزاز ہے۔ عالمی سطح پر کرکٹ کو پھیلانے سے لے کر آئی سی سی ممبران کے لیے کمرشل بنیادوں کو مضبوط کرنے تک جیسی کامیابیاں حاصل کرنے پر فخر کرتے ہیں۔

انہوں نے مزید کہا کہ وہ 13 برس کے عرصے میں سپورٹ اور کولیبوریشن کرنے پر آئی سی سی چیئر، بورڈ آف ڈائریکٹرز اور پوری کرکٹ برادری کے مشکور ہیں۔ ان کا خیال ہے کہ عہدے سے سبکدوشی کا صحیح وقت ہے۔

واضح رہے جیف نے عہدے سے مستعفی ہونے کا فیصلہ جے شاہ کے آئی سی سی چیئر کا عہدہ سنبھالنے کے بعد کیا تھا۔